چھبیس ‏جنوری ‏پرخوبصورت ‏ترانہ ‏

۔۔۔۔۔۔۔۔۔۔۔۔۔۔۔۔چھبیس جنوری۔۔۔۔۔۔۔۔۔۔۔۔

*شہزادۀ خیال کی اک دل نشیں پری*

*سج دھج کے پھر سے آئی ہے چھبیس جنوری*

*اس دن کی روشنی ہے حسیں زیورِ وطن*

*سورج سمان لگتی ہے اس کی کرن کرن*

*ہر دل کو موه لیتا ہے اک اس کا بانکپن*

*اس ایک پھول میں ہیں بسے سینکڑوں چمن*

*شہزادۀ خیال کی اک دل نشیں پری*

*سج دھج کے پھر سے آئی ہے چھبیس جنوری*

*ہر ایک ماه و سال کی سرداری اپنے پاس*

*خوشیوں کے دن کی قافلہ سالاری اپنے پاس*

*مخصوص تین رنگوں کی پچکاری اپنے پاس*

*جمهوریت کی رکھتی ہے گل باری اپنے پاس*

*شہزادۀ خیال کی اک دل نشیں پری*

*سج دھج کے پھر سے آئی ہے چھبیس جنوری*

*عشقِ وطن میں طرزِ وفا بخشتی ہے یہ*

*مٹی سے دل بری کی ادا بخشتی ہے یہ*

*احساسِ جاں نثاری نیا بخشتی ہے یہ*

*فوجی جواں دلوں کو جلا بخشتی ہے یہ*

*شہزادۀ خیال کی اک دل نشیں پری*

*سج دھج کے پھر سے آئی ہے چھبیس جنوری*

*جاں باز فوجیوں کی ستائش کا دن بھی ہے*

*جاں لیوا اسلحوں کی نمائش کا دن بھی ہے*

*یہ دشمنانِ قوم کی رنجش کا دن بھی ہے*

*آپس میں اتحاد کی ورزش کا دن بھی ہے*

*شہزادۀ خیال کی اک دل نشیں پری*

*سج دھج کے پھر سے آئی ہے چھبیس جنوری*

*اس پر فدا ہے اس لیے فائقؔ دل و جگر*

*یہ وه نظام ہے کہ چمکتے ہیں بام و در*

*اس کی کرامتوں کا نمایاں ہے یہ اثر*

*اک دھاگے میں پرویا ہے ہر قوم کا گہر*

*شہزادۀ خیال کی اک دل نشیں پری*

*سج دھج کے پھر سے آئی ہے چھبیس جنوری*

۔۔۔۔۔۔۔۔۔۔۔۔۔۔۔۔۔۔نسیم فائق۔۔۔۔۔۔۔۔۔۔۔۔۔۔۔۔